Hai āwhina i ngā mahi a Ngāti Whakaue Iho Ake
Ko Te Taumata o Ngāti Whakaue Iho Ake hai whakatinana, hai whakatairanga hoki i ngā wawata o Ngāti Whakaue i roto i ngā kaupapa mātauranga, te reo Māori, te whai kāinga me te oranga pāpori.
Nā te ngākau titikaha me te ū o ā mātau poumahi, ka toro atu ā mātau mahi ki ngā whānau, koeke, rangatahi, tamariki me ngā kōhungahunga. Ko te manaakitanga, te whanaungatanga, te kaitiakitanga, te pono me te tika, me te mana motuhake ngā pou e tūāpapa ai ā mātau mahi
This is not a role you'll find advertised often — because it isn't like the other roles at Te Taumata.
Ahakoa e noho ana te nuinga o ā mātau tūranga ki roto i tētehi rōpū mahi, ki te whakatutuki i tētehi ratonga kua whakaritea, ka tū kē te Pou Tikanga ki te taha o te Tumu Whakarae, ā, ka toro whānui āna mahi puta noa i te whakahaere.
Ehara te mana o tēnei tūranga i te mana ka ahu mai i tētehi taitara, i tētehi tūranga rānei i te hanganga whakahaere. Engari kē, ka ahu mai taua mana i tō mātauranga, ō hononga, tō whakapapa, me te whakawhirinakitanga o te whānau me ngā poumahi ki a koe.
Where most of our positions sit within a team, delivering a defined service, the Pou Tikanga sits alongside our General Manager, working across the whole organisation. The mana of this role doesn't come from a title on an org chart, it comes from your knowledge, your relationships and the trust that whānau and poumahi place in you.
Why this role exists
Nā Ngāti Whakaue a Te Taumata i whakatū, mō Ngāti Whakaue anō hoki.
Nō reira, ko ngā āhuatanga katoa o ā mātau mahi — mai i te whakatau me te manaaki tangata, te whakahaere hui, te ārahi i ā mātau poumahi, tae noa ki te manaaki me te tautoko i ō tātau whānau — me whakaata tonu i tō tātau Ngāti Whakauetanga.
Ko tā te Pou Tikanga he whakatinana i tēnei aronga. Ehara i te mea he whakatutuki noa i tētehi rārangi tikanga, engari ko te whakararanga i a Ngāti Whakaue, ōna tikanga me ōna uara ki roto i te whatumanawa o te whakahaere — ki ā tātau mahi, ki ā tātau whakatau, me te āhua hoki o tā tātau tū ki te ao.
Requirements
What you bring
- He matatau ki te reo Māori me wōna tikanga — kāore e taea te whiriwhiri kē; koinei te tūāpapa o ngā mahi katoa.
- He hōhonu, he pakari hoki tō mōhio ki ngā tikanga, ngā kawa, ngā whakapapa me te tuakiri o Ngāti Whakaue.
- Kai a koe te mana, te māia me te tika o te tū ki te tuku tohutohu ki ngā pouārahi matua, ā, ina tika ana, ki te wero i a rātau i runga i te whakaute me te ngākau pono.
- He hononga pono, he hononga whakawhirinaki ōu ki ngā kaumātua, ngā tohunga, ki te whānau whānui o Ngāti Whakaue me te hapori Māori whānui.
- Kai a koe te mātauranga, te whakaaro nui me te ngākau tōkeke ki te whakatere i ngā take tairongo i runga i te tūmataiti, te māia me te ngākau whakaiti.
- Me whai raihana taraiwa motukā o Aotearoa, karaehe katoa, e mana tonu ana.
He tūranga tūturu, harangote tēnei, ā, ka taea te whakarite kia hāngai ki te tangata ka tohua.
Ka taea te ngāwari o ngā rā me ngā hāora mahi kia rite ki ngā wāhi me ngā kaupapa e hiahiatia ai tō tautoko. Ka whai wāhi atu hoki ki ngā hui me ngā kaupapa ka tū ki waho atu i ngā hāora mahi o ia rā.
Contact Lauren on 021 192 3497 oremail [email protected] to learn more about the role, or apply today.
Skills Required
- Fluency in te reo Māori and Māori tikanga
- Deep and robust knowledge of Ngāti Whakaue tikanga, kawa, whakapapa, and identity
- Authority, confidence, integrity, and ability to advise and respectfully challenge senior leaders
- Trusted relationships with kaumātua, tohunga, Ngāti Whakaue whānau, and the wider Māori community
- Wisdom, sound judgment, and impartiality when handling sensitive matters confidentially and humbly
- Current full New Zealand driver's licence
.png)
